Bīdreiba “Latgolys Studentu centrs” 17. decembrī aicynova iz ilgi carātū i beidzūt sareikuotū Baļtinovys amatīrteatra “Palādas” vīsizruodi Reigā – Latvejis Universitatis Humanitarūs zynuotņu fakultatē Visvalža īlā 4a, 401. ustobā (zalā, 4. stuovā). Īeja bez moksys. Izruodis garums pusūtra stuņde.

Pasuocīni reikova LU Huminitarūs zynuotņu fakultate sadarbeibā ar bīdreibu “Latgolys Studentu centrs”. Izruode nūtyka LU doktorantu školys “Letonika i storpkulturu pietejumi” seminara “Latgola.LV: volūdiskī, viesturiskī, filozofiskī i pedagogiskī aspekti Baļtinovys amatīrteatra uzvadumā “Ontans i Anne”” ītvorā.

Vaira par doktoranu školu: http://www.lu.lv/studentiem/studijas/limeni/doktorantura/skolas/letonika/.

Piec izruodis nūtyka seminars-diskuseja, kas paradzāts tikai doktorantu školys studentim i kū vadeja teatra zynuotneica prof. Silvija Radzobe i literaturzynuotneica i folkloriste prof. Janīna Kursīte.

“Ontana i Annis” ceļuojums iz Reigu ir seņa LgSC ideja, kab ari reidzinīki radzātu vysā Latgolā meiļuotū i skaiteitū izruodi, kū vītejī sauc par Baļtinovys serialu. Baļtinovīši pīktdiņ nu vysom septeņom serejom ruodeja seriala ūtrū dali “Kuozu goda jubileja”.

Pasasokūt baļtinovīšu “Ontans i Anne”, tāņ Latvejis Nacionalajā teatrī skotoms ituos sezonys hits “Latgola.LV” (http://teatris.lv/lv/izrades/liela-zale/latgola-lv ), kurymā izmontuotys treis amatīrteatra izruodis dalis.

Tys, kas labi izasmiejs vēļ vacā godā, tam nikaida Jaunuo goda krīze naškodēs!

Bejs ari LgSC latgalīšu gruomotu golds, kurymā atrūnomys dažaidu apguodu gruomotys i muzykys diski (pīduovuojumu var papēteit ite: http://lgsc.lv/gruomotys/ ) – loba īspieja īsaguoduot izdavumus, kas Reigā reši atrūnomi i var nūderēt kaidai eipašai Zīmyssvātku duovonai.

LU HZF meklej ite:

Kartenis nu izruodis “Ontans i Anne” Baļtinovā.