Santys Mežuobelis jaunuokuos gruomotys prezentaceja RCB

2011.goda 21. decembrī 12:00 Rēzeknis Centraluos bibliotekys Konferenču zalā nūtyks romana “Aiz loga dziedāja vējš” attaiseišonys svātki i sasatikšona ar tuo autori Santu Mežuobeli.

Santa Mežuobele (eistajā vuordā Antoņina Ločmele) dzymuse 1941. goda 3. decembrī Bolvu nūvoda Vactilžys pogosta Lutenanūs. Itymā godā bejušuo pedagode sovā dzymtajā pusē jau nūsvinieja gon opolū dzeivis jubileju, gon 10 godu literaruos darbeibys jubileju i jaunuokuos gruomotys atdareišonys svātkus. Jauna “pītura” – sasatikšona ar rēzeknīšim.

Rakstneica ir publicejuse nu jau septeņus romanus. Pyrmais nu tim izguoja 2000. godā i saucēs „Tēva priede”, tam sekuoja treis Latvejis Avīzis serejā „Lata romāns” izdūtī dorbi: „Nakts uz svētdienu” (2002), „Uz priekšu, meitenes!” (2002) i „Viena lustīga sieviete” (2004). 2007. godā tyka izdūts romans „Rītausmā te rēja lapsa”, nu 2010. – „Skaistulis un mežinieka meita”. Jaunuokais romans, kura nosaukums ir „Aiz loga dziedāja vējš”, izguoja itymā godā.

Rēzeknis skaiteituoji ar Santu Mežuobeli sasatyka jau 2010. goda pavasari, kod rakstneica taiseja vaļā „Skaistuli un mežinieka meitu” i stuosteja par sovu daiļradi i dzeivis leiklūčim. Ari itymā reizē sevkurs interesents varēs īsavērt jaunuokuo romana topšonys stuostā i īsaklauseit rakstneicys puordūmuos. Pasuocīni ar sovu kluotbyutni pagūdynuos ari myusu nūvodneica, romana golvonuos varūnis prototips. Meili aicynuoti!

Informaceju sagataveja:

Anna Keirāne,
Rēzeknis Centraluo biblioteka

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]