Juoņa Gleizda kruosu pasauļs

Portals lakuga.lv 19. Decembris, 2011. gods Comments Off on Juoņa Gleizda kruosu pasauļs

23. decembrī 13:00 iz fotografeju izstuodis “Juoņa Gleizda kruosu pasauļs” atkluošonu aicynoj Latgolys Kulturviesturis muzejs (Rēzeknē, Atbreivuošonys alejā 102).

Sabīdreiba ir īpazynuse Latvejis foto legendys Juoņa Gleizda (1924-2010) malnboltuos fotografejis, itymā izstuodē teik prezentāts juo radūšais veikums kruosuos – sīvītis, zīdi, ainovys i klusuo doba – kruosainys fotografejis nu J.Gleizda personeiguo arhiva.

Izstuode topuse, pasasokūt J. Gleizda dzeivisbīdris Annelis Gleizdys i Latgolys Fotografu bīdreibys veiksmeigai sadarbeibai.

Izstuodis atkluošonys pasuocīnī paradzāts:

–         Juoņa Gleizda fototehnikys nūslāpumi – Latgolys Fotografu bīdreibys prīšksādātuoja Igora Pliča stuostejums par izciluo meistara pīlītuotajim fotografeji apstruodis pajiemīnim i jam pīlāguotajim instrumentim.

–         Sasatikšona ar Juoņa Gleizda dzeivisbīdri i pīminis sorguotuoju Anneli Gleizdu.

Izstuode “Juoņa Gleizda kruosu pasauļs” Latgolys Kulturviesturis muzejā byus apsaverama leidz jauna goda 18. janvaram.

Komentari slāgti.