Latgolys planavuošonys regions pasnīdz Atzineibys rokstu Inetai Radevičai

LaKuGa 26. Decembris, 2011. gods 224
Latgolys planavuošonys regiona atteisteibys padūme pījieme lāmumu apbolvuot Inetu Radeviču ar Latgolys planavuošonys regiona augstuokū apbolvuojumu – Atzineibys rokstu par Latvejis i Latgolys vuorda popularizēšonu pasaulī, izcilim sasnīgumim vīglatletikā, izceineitū Eiropys čempionis titulu i bronzys gūdolgys īgiušonu pasauļa čempionatā vīglatletikā. Lāmums par sportistis apbolvuošonu tika pījimts jau septembra beiguos, nu, jamūt vārā juos aizjimteibu i saspringtū laika grafiku, atzineibys roksts tyka pasnīgs 23. decembrī.

Ineta Radēviča īt nu Latgolys, dzymuse Kruoslovā, kur ari beiguse Kruoslovys vydsškolu. Juos pyrmuo trenere beja muote Inna Radēviča – Kruoslovys sporta školys trenere. Tuoļuok jau sportistis gaitys jū aizvede plašajā pasaulī i dzeivisguojums saisteits ar ceļuošonu i lelu dorbu pi sporta sasnīgumim.

Latgolys planavuošonys regiona atteisteibys padūmis prīšksādātuojs, Kruoslovys nūvada prīšksādātuojs Gunārs Upenīks i Latgolys planavuošonys atteisteibys padūme izsoka lelu atzineibu Inetai Radevičai par juos sasnīgumim i Latgolys vuorda nešonu pasaulī.

Juoatzeimoj, ka 22. decembrī Ineta Radeviča jau ūtrū godi piec kuortys sajieme ari Latvejis Goda bolvu sportā.

.

.

Informaceja jimta nu Latgolys regiona portala www.latgale.lv

Kartenis: Latgolys planavuošonys regions, vaira karteņu – http://latgale.lv/lv/images/album?id=474

Komentari slāgti.