RMDV Metala izstruoduojumu dizaina izgleiteibys programys pamatā ir koncepceja – rodi ideju, izstruodoj projektu i realizej tū materialā. 20 godūs lobuokuos realizātuos idejis skotomys audziekņu diplomdorbūs – dažaidi metali i puorsteidzūšī tūs rysynuojumi – modernys rūtys, gaismys obejkti i dekorativi dizaina prīkšmati.

Izstuodē apsaverami 12 autoru 47 muokslys dorbi i atspeidumi tymūs ir gon tīšī, gon natīšī iztverami – metala i gaismys spēlis, smoguma i vīgluma sasajaukšõna, soltuma i syltuma puorsakluošona, audziekņu izkruotūs zynuošonu, individualuo skatejuma i sasatikšonuos šaļteņu atspeidumi.

Storp izstuodis autorim ir ari tādinejais RMDV Metala izstruoduojumu dizaina izgleiteibys programys pedagogs i ituos nūdalis veiduotuojs Norberts Kudeņš – jubilejis izstuodis iniciators, daudzu diplomdorbu vadeituojs i izcils metalmuokslinīks, kurs pots roda fantastiskus muokslys dorbus i īdvasmoj studentus rodūšīm eksperimentim.

Gaismys, kruoys, emoceju, meistareibys i cylvāku atspeidumi – atej i īraugi!

Izstuode atvārta:
O, T, C, Pt – 10:00 – 17:00
S 10:00 – 16:00
Sv, P – slāgta

Īejis moksa: školānim i studentim Ls 0,20; pīaugušajim Ls 0,40; pyrma školys vacuma bārnim – breiva.

Sagatavieja:
Maija Upeniece
Latgolys Kulturviesturis muzeja sabīdriskūs vaicuojumu i reklamys specialiste