Par Eiropys goda cylvāku Latvejā atzeits Zbigņevs Stankevičs

LaKuGa 30. Decembris, 2011. gods Comments Off on Par Eiropys goda cylvāku Latvejā atzeits Zbigņevs Stankevičs
Nūsasliedzs bolsuojums par 2011. goda Eiropys cylvāku Latvejā, i par Eiropys goda cylvāku Latvejā atzeits Rūmys Katuoļu Bazneicys Reigys arhiveiskups-metropolits Zbigņevs Stankevičš.

.
Eiropys goda cylvāka Latvejā titula īgivieja paziņuošonys ceremonejā Latvejis Universitatis Socialūs zynuotņu fakultatis Socialūs i politiskūs pietejumu instituta vadūšuo pietneica profesore Skaidreite Lasmane uzsviere, ka Z. Stankeviča atbiļsteibu augstajam Eiropys goda cylvāka Latvejā titulam aplīcynoj gon juo daudzpuseiguo izgleiteiba, gon dūmuošonys plašums, atvierteiba i atbiļdeigums. „Jam pīmeit spieja īdrūšynuot pylnveiduot sevi i maineit sabīdreibu atbylstūši Eiropys augstajom intelektualajom i moralajom pamatvierteibom.”

.
Bolsuošona par Eiropys goda cylvāku teik reikuota jau 14. reizi, i pasuocīņa mierkis ir gūdynuot cylvāku, kurs, piec sabīdreibys dūmom, ar sovim dorbim pārnejā godā vysvaira veicynuojs Latvejis integraceju Eiropā i Eiropys integraceju Latvejā. Aptauju organizej Eiropys Kusteiba Latvejā.

.
Bolsuotuoji itymā godā Eiropys goda cylvāka Latvejā titulam beja izvierzejuši vaira kai 35 kandidatus, kas kotrs sovā veidā pārnejā godā izacieļs i devs sovu artavu eiropeisku ideju i vierteibu veicynuošonā. Itymā godā bolsuošonys līderi, kas vys tik pīsakuope Z. Stankevičam, beja ari muzikis Lauris Reiniks i leļu kinu režisors Juoņs Cimermaņs.
2010. godā par Eiropys goda cylvāku Latvejā kliva Latvejis Universitatis Matematikys i informatikys instituta pietnīks i sabīdreibā plašuok kai Neo pazeistamais Ilmārs Poikāns, kas pošu reizi struodoj ari pi projekta par latgalīšu volūdys korpusa sataiseišonu.

.
Pyrma tuo itū titulu īgivuši ari dažaida profila ļauds: Ina Strazdiņa, Ģirts Valdis Kristovskis, Andris Piebalgs, Ģirts Salmgriezis, Valdis Dombrovskis, Georgs Andrejevs, Māris Verpakovskis, Marija Naumova, Vaira Vīķe-Freiberga, Renārs Kaupers i Eduards Bruno Deksnis.

.
Izmontuota informaceja nu www.diena.lv
Karteņa – Kaspars Krafts, F64

.

Raidejuma „Vyss nūteik” īroksts – interveja ar Rūmys Katuoļu Bazneicys Reigys arhiveiskupu-metropolitu Zbigņevu Stankeviču

VISSnotiek 17.10.2011 from VISSnotiek on Vimeo.

Komentari slāgti.