Masku guojīņs i ļustis Nirzā

19. februarī 13 stuņdēs Ludzys nūvoda Nirzā byus Masku tradiceju festivals „MASKŌŠONŌS 2012″, kū reikoj Nirzys Tautys noms sadarbeibā ar Ludzys nūvoda Izgleiteibys, kulturys i sporta puorvaļdi.

Pasuocīnī meili aicynuoti pīsadaleit pīaugušūs, bārnu i jaunīšu folklorys kūpu dalinīki, deju kolektivi, amatīrteatri i cyti kolektivi ci tūs dalinīki, kai ari sevkurs interesents.

Kotram pasuocīņa dalinīkam ci dalinīku grupai juoīsarūn maskuos i juosagatavej sovys maskys prezentaceja Tys var byut stuostejums par sataiseitū masku, kai ari var dzīduot, doncuot, muzicēt ci padareit kaidu cytu darbeibu atbylstūši sovai izvālātajai maskai ci masku grupai.

Lobuokuos maskys tiks apbolvuotus, jamūt vārā itaidus viertiešonys kriterejus:

  • Izskots – pīviļceiba, originalitate, izdūma;
  • Maskys dorbuošonuos izteiksmeigums

Pasuocīņa laikā paradzāts masku guojīņs i bluča vylkšona pa Nirzys centru, masku prezentaceja Nirzys Tautys nomā, apbolvuošonys ceremoneja i festivala nūslāgumā – čaja dzeršona, blīņu iesšona i ļusteišona.

Pasuocīņa dalinīkim lyugums dasasaceit leidz 10. februaram, aizpiļdūt dasacejuma anketu, kas juoīsnādz Nirzys Tautys noma vadeituojai Sandrai Sjakstei iz e-postu sandranirza@inbox.lv ci juoinformej pa teleponu 26185919. Vaira informacejis i dasacejuma anketa NŪLYKUMĀ.

Print Friendly, PDF & Email

Kalenders

Mar
28
Cat
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]
Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]