Latvejis fotografi atkluoj Latgolu
11. februarī 15 stuņdēs Preiļu kulturys nomā nūtiks Preiļu nūvoda dūmis i Latgolys fotografu bīdreibys reikūtū fotokonkursa „Latvejis fotografi atkluoj Latgolu” izstuodis atkluošonu.
Konkursa „Latvejis fotografi atkluoj Latgolu” mierkis beja pīsaisteit Latvejis profesionalūs i amatīru fotografus, kab jī pīvārstu viereibu Latgolys regiona sovpateibu paruodeišonai fotografejuos. Fotografi tyka aicynuoti karteņuos ruodeit sadzeivis paražys i nūvoda tradicejis, kulturu, „Latgolys kruosys”, portretus, ražuošonu, Latgolys regiona cylvāku sadzeivi – jūs rokstura eipašeibys, ticeibu, Latgolys dobu i tuos problemys.
Izstuodis atkluošonys programā:
15:00 izstuodis atkluošona i konkursa laureatu apbolvuošona
17:00 Preiļu piļsātys 84. dzimšonys dīnai veļteits tautys deju ansambļa „Teiksma” koncerts
.
