Maltā byus vasala skaudze smīklu

LaKuGa 6. Februars, 2012. gods Comments Off on Maltā byus vasala skaudze smīklu
10. februarī 19 stuņdēs gostūs aicynoj Maltys Kulturys noms, kur nūtyks tradicionalais Rēzeknis nūvoda amatīteatru parads „Skaudzem smīklu” (Kaudzēm smieklu), iz kuru aicynuoti pīsadaleit nūvoda aktīri i režisori, nu izasmīt gaideiti Rēzeknis i cytu nūvodu īdzeivuotuoji.

.
Itymā godā pīsadaleis amatīrteatru kolektivi nu Gaigalovys, Muokuļkolna, Drycanu, Feimaņu, Dubuļu, Griškānu, Pušys, Nautrānu, Lendžu, Audreņu, Strūžānu, Maltys i cytim pogostim – kūpā vaira kai 10 kolektivi.

.
Īeja iz pasuocīni ir bez moksys. Piec paradis 22:00 byus bals ar Normundu i Valdi. Iz balu īejis moksa 1,00 LVL.

.
Amatīrteatru parads Rēzeknis nūvodā nūteik jau daudzus godus, nu Maltā nūtyks pyrmū reizi. Pārnejā godā parads nūtyka Feimaņūs i skateituojus prīcieja 21 kolektivs nu Rēzeknis i Viļānu nūvodim ar gondreiž pīcu stuņžu garu ļusteigu skeču, anekdotu i izruožu fragmentu maratonu.

.
Kartenis nu pārnejuo goda parada Feimaņūs

Karteņa nu Rēzeknis nūvoda dūmis arhiva

Komentari slāgti.