Katuoļu studentus aicynuoj dasasaceit stipendejai

Leidz 6. martam latvīšu katuoļu studentus aicynoj dasasaceit Prelata Adolfa Grosberga pīminis stipendejai. Latvejā stipendeju fonds izsuocs sovu darbeibu 2009. goda vosorā ar mierki atbaļsteit tryuceigus katuoļu studentus, kas gryb īgiut izgleiteibu, kai ari saglobuot prelata Adolfa Grosberga pīmini.

Adolfs Grosbergs beja gareidznīks, dzims 1910. godā Bruknys pogostā, nu vuiciejīs Aglyunys gimnazejā i dorbuojīs Rēzeknis draudzē. Mirs 1979. godā ASV.

Praseibys stipendejis pretendentim:

1. Studej vysmoz 2. kursā;
2. Studej akrediteitā Latvejis augstškolā i akrediteitā pamatstudeju programā;
3. Svareigys paguojušuo studeju perioda sekmis;
4. Studeju programa, vierzīņs i leimiņs nav svareigi;
5. Stipendeja dūmuota socialūs i studeju procesa vajadzeibu segšonai, tymā skaitā – moksai par studejom;
6. Students ci studente aktivi dorbojās Latvejis Katuoļu bazneicā, jaunuotnis voi sabīdriskajā dorbā;
7. Students ci studente pīder kaidai Katuoļu bazneicys draudzei Latvejā;
8. Kod studejis byus pabeigtys, stupendiatam ir morals pīnuokums atbaļsteit Katuoļu bazneicu Latvejā.

 

Stipendejis daškieršonys nūsacejumi:
1. Leidzdaleiba i aktivitate Latvejis Katuoļu bazneicys dzeivē.
2. Sekmeigys studejis vysā īprīkšejā periodā.
3. Studenta ci studentis materialais stuovūklis.

Dasacejuma viestulei kluot juodalīk itaidi papeiri:
1. aizpiļdeita dasacejuma veidlopa;

2. rekomendaceja nu studenta draudzis bazneickunga;

3. Rekomendaceja nu vuiceibu īstuodis rektora, dekana, profesora ci pasnīdzieja;
4. CV;
5. Izziņa par studejom i sekmem pādejuo semestra laikā nu sovys augstškolys;

6.Izziņa par tryuceiguos saimis statusu (vālams, nu na obligati).

 

Pīsacejums juosyuta elektroniski iz e-postu fonds.grosbergs@inbox.lv leidz 2012. goda 6. martam.

Fonda vaļde izsludynuos konkursa rezultatus mieneša laikā piec dokumentu īsnīgšonys termeņa beigom.

Vaira informacejis: Dr. hist. Inese Runce
E-posts fonds.grosbergs@inbox.lv, inese.runce@lu.lv
Telepons (+371)26810848

 

Kab labi lūbās!

Sekmeigys studejis i daleibu konkursā!

 

Karteņā: Prelats Adolfs Grosbergs, foto nu privatuo arhiva


Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]