Gunara Ūzuleņa akvareli Bolvu Nūvoda muzejā

LaKuGa 25. Februars, 2012. gods 220
Janvara vydā atkluota, nu vēļ tik leidz 29. februaram Bolvu Nūvoda muzejā (Bolvūs, Breiveibys īlā 46) apsaverama muokslenīka Gunara Ūzuleņa (Gunāra Ozoliņa) akvareļu izstuode.

Izstuodē apsaverami 28 gleznuojumi i dažys foto kartenis. Muokslenīks apgleznoj keramiku i stykla izstruoduojumus, gravej styklā, duormetalūs. Jis ir ilustriejs vairuokys dzejneicys i literatis Vēsmys Kūklis-Līvenis, dzejneicys Kornelejis Apšukryumys i literatis Lucejis Sagamežys-Nagelis gruomotys.

Gunārs Ūzuleņš 1942. godā dzims Bolvūs, nu niu dzeivoj Olyuksnā. Vuicejīs Moskovys Muokslys universitatē i ar gleznīceibu nūsadorboj nu 1960. goda. Pyrmuo muokslenīka izstuode atkluota 1962. godā Olyuksna pilī, piečuok izstuodis bejušys ari Cēsīs, Reigā, Bolvūs, Olyuksnā, Alsviķūs, Muoreņkolnā, Atē, Apē, Trapenē i Gaujīnā.

Muokslenīka dorbi atsarūn privatkolekcejuos – Kanadā, Igaunejā, Krīvejā, ASV, Lītovā, Taizemē, Australejā i Vuocejā.

Sevkuram izstuodis apmaklātuojam byus vareiba pošam paraudzeit rūku akvareļgleznīceibā.

 

Komentari slāgti.