Mozuo Gilde aicynoj jaunūs literatus dasasaceit autorskaitejumim

LaKuGa 28. Februars, 2012. gods Comments Off on Mozuo Gilde aicynoj jaunūs literatus dasasaceit autorskaitejumim
Reigys Kulturys i tautys muokslys centrā „Mozuo Gilde” 13. martā 18:30 byus literaturys i muzykys cikla „Kruosa. Skons. Vuordi” (Krāsa. Skaņa. Vārdi) nūslāguma pasuocīņs, kura laikā byus vareiba pīsadaleit pavasara emoceju, zeimu i sajiutu meklejumūs i atrodumūs literaturā, muzykā i fotografejā.

Pasuocīņa organizatori aicynoj dasasaceit jaunūs literaturs, kas pyrma tam nav uzastuojušs ar sovu dorbu autorskaitejumim plašuokys publikys prīškā i kuru ailēs ci eisprozā atsaspīgeļoj pavasars fiziskā, emocionalā ci simboliskā skatejumā.

Kab dasasaceitu, jaunajim literatim leidz 5. marta 22:00 iz e-postu ksv.pavasaris@gmail.com ir juoatsyuta pīcys tematiski atbilstūšys ailis ci diveji eisprozys dorbi. Tai kai dalinīku skaits īrūbežuots, byus ari atlasa, par kurys rezultatim dasacejumu syuteituoji tiks informāti personeigi 6. martā.

Pasuocīņa laikā skaiteitūs jaunūs autoru dorbi tiks publicēti piec „Dori tū pots” (DIY) principim taiseitā gruomotā, kai ari uzastuošonys byus īmyužynuotys video versejuos.

Latgalīšu kulturys gazeta aicynoj nasakautreit i raudzeit pīsadaleit ari jaunajim autorim, kuri roksta latgaliski – vys tik īspieja sevi paruodeit i latgaliskū vuordu popularizēt.

 

Karteņa: Edeite Husare – Pavasars Rekovā

Komentari slāgti.