“Kaisleibys” Latgolys muokslys i amatnīceibys centrā

LaKuGa 29. Februars, 2012. gods 212
Latgolys muokslys i amatnīceibys centrā Leivuonā da 9. marta apsaverama jaunuo latgalīšu muokslinīka Aivja Pīzeļa gleznu personalizstuode „Kaisleibys” (Kaislības) ar vaira kai 30 cīši koloritom gleznom.

Kai atzeist muokslinīks, jam ir svareigi saglobuot ritma dinamiku, kruosu kontrastus, taisnumu i ceistumu. Aivim tyva ir soltūs pakruosu gamma, nu vysod asūt iņteresnuok sevi puorlauzt i meklēt cytaidus nūskonus i tālus. Taišni žanryskā ziņā itei izstuode asūt vysudaudzveideiguokuo nu vysom īprīškejom.

Izstuodis nūsaukumu „Kaisleibys” muokslinīks skaidroj kai sova veida protestu pret latvīšu tautai pīmeitūšū vāsumu i attureibu, deļtuo ar izstuodi teik raudzeits daškelt līsmu i uzkūrt atsolušuos ūglis. „Vaira energejis, drūsmis i kaisleibu deļ kuo degt – tys ir tys, kas myusim vādzeigs!”, soka Aivis Pīzelis.

Aivis Pīzelis dzims 1988. godā Preiļūs. Jau vuicūtīs Preiļu 1. pamatškolā, jaunajam muokslinīkam rodīs iņteress par muokslu. Piec pamatškolys beigu, kam paraleli vuicejī bārnu muokslys školā, Aivis īsastuoja Rēzeknis Muoklsys i dizaina vydsškolys Vizuali plastiskuos muokslys nūdaļā. Piec školys beigšonys īsastuojs Latvejis Muokslys akademejis Latgolys filialis gleznīceibys nūdaļā, kur studejis teik turpynuotys vēļ arviņ.

Vaira par jaunū muokslinīki i juo dorbim verīs ite: http://www.gleznas.com/aivis_pizelis.html

Karteņa: nu Latgolys muokslys i amatnīceibys centra materialim

Komentari slāgti.