Latgalīšu alfabets – kaids redzīņs iz vaicuojumu

LaKuGa 29. Februars, 2012. gods 13
LaKuGa ir sajiemuse viestuli nu Dagdys pogostā dzymušuo Ādolfa Stalidzāna (1936), kas izsoka sovu redzīni par latgalīšu rokstu volūdys vaicuojumu i īsoka idejis latgalīšu alfabeta papyldynuošonai ar jaunim burtu apzeimiejumim, kū var uzskateit par sovpateigu autora eksperimentu. Ādolfs Stalidzāns. Adolfs Stalidzāns

Ar pylnim viestuļu i ideju tekstim var īsapazeit zamuok, nu ite fragmenteni īskotam:

Par Ā.Stalidzāna īsacejumim palyudzem redzīņa bejušuos Latgalīšu ortografejis apakškomisejis vadeituojai, zynuotneicai Annai Stafeckai. Jei prīcojās, ka cylvākim iņteresej volūdys vaicuojumi, nu atzeist, ka pi tādinejuos ortografejis jau ir tik daudzi struoduots, ka pošu reizi maineit eisti nav īmesla. Nivīna raksteiba piļneibā navarūt paruodeit vysys fonetiskuos niansis, izlūkšņu sovpateibu – pīmāram, egle (ar pusplotu e Zīmeļlatgolā, ägļä Vydslatgolā i agļa austrumu i dīnavyda daļā). Tai ir ari ar latgalīšu raksteibu. Pošreizejuo latgalīšu raksteiba (taipat kai kotra raksteiba) pa daļai ir kompromisa variants.Tikai tymā ir īlyktys ari tuos lītys, kū P. Stroda komiseja napagiva izdareit i par kurom ituos komisejis lūceklis F. Zeps na reizi viņ raksteja (uo, ie u.c.). Taipat ari vaicuojums par volūdys viesturi i latgaļu ciļts viesturi – Stafecka nūruoda, ka zynuotnīki diskutej i pi eistys skaidreibys dīzyn voi tiks, par tū, ka raksteitūs ziņu vīnkuorši tikpat kai nav, bet, ka kaidam ir iņteress par itim vaicuojumim, īsoka īsapazeit ar specialistu raksteitū, pīmāram, O. Breidaka rokstim par etniskuos viesturis i volūdys vaicuojumim, na viņ enciklopedeju materialu.

Anna Stafecka vysim raksteituojim vielej kūpt latgalīšu rokstu volūdu i raksteibā izmontuot i ceļt gaismā tuos boguoteibys, kas ir izlūksnēs!

 

Dalyktuos viestulis ir viņ puora nu Stalidzāna pīsyuteitom dūmom i idejom par latgalīšu rokstu volūdu, ortografeju i alfabetu. Ka kaidam ir iņteress vaira par tom dazynuot, rokstit, lyudzu, iz adolfs.stalidzans@inbox.lv.

Tai kai beja ļauds, kam iņteresieja vysys idejis, atrodom variantu, kai ārtuok dalikt vysu ite pot. Ka iņteresej Garmond3LTG  fonts, tū ari var sajimt rokstūt iz adolfs.stalidzans@inbox.lv.

Ādolfs Stalidzāns. Par vinu Stroda rokstu 2012

Ādolfs Stalidzāns. Par Stroda latgalu_rokstu_voludu_2012

Ādolfs Stalidzāns. Par latgalu voludu 2012

Ādolfs Stalidzāns. Par latgalu vol alf ivisonu 2012

Ādolfs Stalidzāns. Par latgalu rokstu voludu 2012

Ādolfs Stalidzāns. Par latgalu raksteibu 2

Ādolfs Stalidzāns. Instrukceja

Ādolfs Stalidzāns. Atbildis uz atsauksmi

Ādolfs Stalidzāns. Atbildis uz komentarim

 

Ādolfs Stalidzāns – Par latgaļu rokstu volūdu 2012

Ādolfs Stalidzāns – Par latgaļu volūdys alfabeta īvīšonu 2012

 

 

Komentari slāgti.