Frankofoneja Latgolā /Dzīsmis mikrieslī

Šudiņ, 20. martā vysā pasaulī sviņ Starptautiskūs Frankofonejis svātkus  – svātkus vaira kai miļjardam frankofonu – franču volūdā runojūšim planetys īdzeivuotuojim, kai ar vysim, kurus interesej franču volūda, kultura i frankofonūs vaļstu kultura.

Ari Latgolā teik svināti Frankofonejis svātki – kotru godu jau vaira kai 15 godu piec kuortys svātkus sviņ Daugpilī. Piec tradicejis itūs svātku iniciatori ir studenti, kas vuicuos franču volūdu Daugovpiļs Universitatē, nu svātkim veļteitūs pasuocīņūs pīsavīnoj vēļ daudzi cyti talanteigi piļsātys īdzeivuotuoji.

Vīna nu studentu, kas pošu šaļti Daugovpilī studej franču volūdu ir ari LaKuGys skaiteituojim jau labi zynomuo dzīduotuoja i „Dūmu pylnu pogolmu” raksteituoja Laura Bicāne, kas na viņ studej franču volūdu Daugovpilī, nu ir bejuse ari studēt iz Franceju i dzīž i roksta dzīsmis franču volūdā.

Reitu, 21. martā 20:00 Laura īlyudz iz sovu Frankofonejis svātkim veļteitu koncertu „Dzīsmis mikrieslī” (Dziesmas krēslā) vīsneicys „Latgola” restoranā „Plaza”.

Vaira par Frankofonejis svātkim Daugovpilī: http://www.visitdaugavpils.lv/index.php?p=2&id=637

 

.

Laura dzīž franciski – verīs nu 1. minota

.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]