Naaizmierstulis jaunradis dorbu konkurss. Dorbi II
Agnese Patmalniece, Kuorsovys vydsškolys 5.a klase, školuotuoja Anita Lele
Munys dzymtuos muojis
Ir kotram kaida meila vīta,
Kū cylvāks dzili sirdī tur.
Ai vysu sova bārna sirdi
Es meilu dzymtuos tāva muojis.
Te azars pošā meža molā
Ai viļņu šalkom sveicynoj.
I bite margrītenis zīdā
Maņ syuta soldus sveicīņus.
Te reita saulis stori spūžī
Ai maigu gluostu mūdynoj.
I gaiļs ai sovu vystu saimi
Nu reita vysus mūdynoj.
Te vactāvs sīna kliepi rūkuos
Steidz bryunaleni pabaruot.
Te vacuomuote pīna krūzi
Jau myusu brūkostgoldā līk.
Tei gaismeņa nu tāva muojom,
Jei munā sirdī byus vysod.
Kai patvārums, kai laimis sola,
Nikod kur pavards naizdzīst.
Samanta Nalivaiko, Kuorsovys vydsškolys 7.a klase, školuotuoja Ilona Cibuļska
Munai māmuleņai
Tu esi gaismeņa munā ceļā,
Tu paleidzi maņ i mani atbolsti.
Kod es nūskumuse – tu muns gluobeņš.
Tu vysod ar mani.
Pi tevis es eimu, kod maņ gryuši –
Tu esi muns leluokais atbolsts.
Un es zynu,
Ka tai tys paliks vysod.
Tu vysod cereibu maņ dūd,
I tod maņ palīk tik vīgli i tik labi.
Tevī ir spāka daudzi,
Tu vysim paleidzeit vari.
Tu spūžuokuo par vysom zvaigznem,
Kas naktī pi dabasu molys speid.
Tu syltuoka par sauli,
Kas dabasūs zaigoj spūži.
Māmeņ, tik tova spūžuo, syltuo gaismeņa maņ vajadzeiga,
Lai es nūtycātu, ka vyss šai dzeivī ir labi.
Tu manī rodi cereibu,
Kas manī dzeivuos ilgi, ilgi.
Tev es vysu atdūtu.
Deļ tuo, ka tu esi muna māmuļa meiluo,
Deļ tuo, ka tu nes syltumu i gaismu munā ceļā.
Tev es pateiceiga byušu.
I vysu myužu mīleišu.
Tevī muns spāks i cereiba,
Tu esi tei, kas ej un vysod speidi…
