Regionaluo pīviļceiba i ilgtspieja globaluos lokalizacejis laikūs

Regionaluo pīviļceiba i ilgtspieja globaluos lokalizacejis laikūs
2012. godā nu 8. da 9. novembrim Rēzeknis Augstškolā nūtiks starptautiskuo zynuotniskuo konference „Regionaluo pīviļceiba i ilgtspieja globaluos lokalizacejis laikūs” („Reģionālā pievilcība un ilgtspēja globālās lokalizācijas laikmetā”).

Dasasaceit konferencei teik aicynuoti pietnīki, pašvaļdeibu puorstuovi, ar regionalū planavuošonu i atteisteibu saisteiti specialisti, izgleiteibys i kulturys īstuožu darbinīki, kuru nūsadorboj ar regionu socialekonomiskūs, kulturviesturiskūs ci izgleiteibys vaicuojumu risinuošonu ci pieteišonu.

Konferencis temys:
1.    Piļsāta – daudzfunkcionals, regionu atteisteibu vierzūšs centrs.
2.    Latgaliskuo identitate: tradicejis i myusdīnu konteksts
3.    Piļsātu lingvistiskuo i semiotiskuo ainava – pietnīceibys rūbežu pasaplašynuošona
4.    Daudzvolūdu resursu sataiseišona i izmontuošona
5.    Volūdys apstruodis tehnologejis, reiki i metodis

Konferencis dorba volūdys: latvīšu, angļu.
Uzastuošonys ilgums: 30 minoti, īskaitūt diskuseju.
Konferencis daleibys moksa: 40 EUR, studentim 20 EUR
Dasasaceišona: leidz 31. majam var īsnīgt konferencis dasacejuma anketu, kas atrūnoma sātys lopā: http://hipilatlit.ru.lv

Vaira dazynuošonys par konferenci: Rēzeknis Augstškolys sātys lopā

2011. godā Rēzeknis Augstškolā sadarbeibā ar Kaunis Vītauta Dyžuo Universitatis i Latvejis Universitatis Matematikys i informatikys instituta pietnīkim tyka izsuokts ari starptautisks projekts “Development of Research Infrastructure for Education in the Humanities in Eastern Latvia, Lithuania” (HipiLatLit), kas nūslādz 2012. goda beiguos. Ituo projekta laikā tyka taiseita kūpeiga pietnīceibys infrastruktura humanitarūs zynuotņu sferā austtuokajā izgleiteibā Leitovys i Latvejis austrumu pīrūbežā. Kūpeigi tyka struoduots ar latgalīšu volūdys korpusa i latvīšu-leitovīšu, leitovīšu-latvīšu paralelajim korpusim, pietejumu „Leitovīšu-latvīšu-latgalīšu volūdys leksikons”. Konferencis laikā plašuok byus vareiba īsapazeit pietnīku kūpeiguo dorba rezultatu.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]