Izstuode par tautys apgierbu i mūdi LKM

Izstuode par tautys apgierbu i mūdi LKM
Apreļa mienesī Latgolys Kulturviesturis muzejs Rēzeknē aicynoj iz daudz i dažaidom nūtikšonom. Drupeit vaira dazynuošonai par aktualom izstuodem i muzejpedagogiskom programom.

Nu 13. apreļa leidz 12. majam muzejā apsaverama ceļojūšuo izstuode „Tautys apgierbs i mūde…”, kas teik pīduovuota sadarbeibā ar Modyunis nūvodpietnīceibys muzeju.

Modyunis nūvodpietnīceibys muzeja specialistu Inesis Jakobis i Laimys Garuos taiseitā izstuodē izzinuosit par tautys apgierba atteisteibu nu 11. godu symta leidz 20. godu symta suokuma. Materialus izstuodei vuokuse, pietejuse i apkūpuojuse LU agenturys LU LVI Etnologejis nūdalis pietneica Dr.hist. Anete Karlsone. Izstuodi Rēzeknē papildynuos LKM kruojuma materiali nu apgierbu kolekcejis i etnografiskuo ansambļa „Rikava” tārpi.

Nu 16. apreļa leidz 12. majam izstuodē „Tautys apgierbs i mūde…” 1.-4., 5.-9. i 10.-12. klašu školānim byus īspieja pīsadaleit muzejpedagogiskajā programā „Dzeipareņa stuosts”. Zeimu nūslāpumi i simbolika latvīšu cymdu rokstūs, tautys tārpā i c., školāni īpazeis Latgolys nūvoda tautys tārpa sovpateibu i nūskaidruos, kai tūp kruošnais tautu meitys vaiņuceņš i kai puiši uove kuojis dorba cielīņam.

Nu 10. apreļa leidz pot mieneša beigu 2.-6. klašu školāni var pīsadaleit muzejpedagogiskajā programā „Tolka Latgolys sātā”. Nūdarbeibys laikā bārni īsaviers lauku sātys dorba rytmā saskaņā ar godalaikim i dobu, izzynuos, kas ir tolka, kas ir rudzu tolkys, molkys tolkys, ražys tolkys i c., taipat īpazeiti tiks na viņ lauku dorbi i tradicejis, nu ari muzeja kruojumā asūšī dorbareiki.

Iz muzejpedagogiskom programom īprīšk juodasasoka pa teleponu 64622464 ci 26595434.

 

Muzeja dorba laiks:

ūtrdiņ, trešdiņ, catūrtdiņ, pīktdiņ – 10:00-17:00

sastdiņ – 10:00-16:00

svātdiņ, pyrmūdiņ – slāgts

 

Īejis moksa:

Školānim i studentim Ls 0,20;

pīaugušim Ls 0,40;

apvīnuotais bilets vysam muzeja Ls 0,30; Ls 0,70

pyrma školys vacuma bārnim – breiva;

muzejpedagogiskuo nūdarbeiba Ls 0,50;

 

 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]