Manuskriptu konkurss par kulturviesturis montuojuma saglobuošonu Latvejis nūvodūs

LaKuGa 14. Apreļs, 2012. gods Comments Off on Manuskriptu konkurss par kulturviesturis montuojuma saglobuošonu Latvejis nūvodūs
Apguods „Jumava” sadarbeibā ar Latvejis Pašvaļdeibu savīneibu izsludynoj manuskriptu konkursu „Kulturviesturis montuojuma saglobuošona Latvejis nūvodūs” (Kultūrvēstures mantojuma saglabāšana Latvijas novados).

Kai izsver konkursa reikuotuoji – myusu tautys viesture i tuos kulturys montuojums i myusu tautys pošapziņa, tuo apzynuošona i saglobuošona ir cīši svareigs aizdavums. Deļ tuo apguods „Jumava” sadarbeibā ar Latvejis Pašvaļdeibu savīneibu izsludynoj konkursu, kab tautys viesturi, vaciku i dzymdynuotuoju stuosti tiktu saglobuoti cytom paaudzem.

„Jumava” 20 godu darbeibys laikā ir bejs aktivis kulturviesturiskūs stuostu izdeviejs, deļtuo turpynojūt gruomotu sereju par Latvejis kulturviesturi, apguods aicynoj pašvaļdeibuos dzeivojūšūs viesturnīkus, literaturys zynuotnīkus, nūvodpietnīkus i cytus aktivus interesentus, kuri ir pierakstejuši, taisejuši i saglobuojuši informaceju i aprokstus par sovu nūvodu i tuo nūtikšonom, taiseit manuskriptus, raksteit stuostus i īsnīgt tūs konkursa žurejai izviertiešonai.

Manuskriptus viertēs profesionala žureja i konkursa izvarātuoja dorbs tiks izdūts apguoda „Jumava” gruomotu serejā par Latvejis kulturviesturi. Tiks izvālāti vēļ diveji manuskripti, kurūs ari nominēs žureja i tī sajims bolvys nu apguoda „Jumava”.

Manuskriptu īsnīgšonys termeņš : nu 2.04. da 2.07.2012.

Izvarātuoji tiks paziņuoti 2012. goda 1. oktobrī, gruomotys izdūšona paradzāta 2012. godā.

Vaira dazynuošonai par konkursu verīs ITE
Jumava LPS Konkursa Nolikums 2012

Komentari slāgti.