Zīmeļlatgolys bārnu i jaunīšu folklorys kūpu sasatikšona

Zīmeļlatgolys bārnu i jaunīšu folklorys kūpu sasatikšona
19. aprelī nu 9:00 Rēzeknis nūvoda Drycanu vydsškolā nūtiks Zīmeļlatgolys nūvoda bārnu i jaunīšu folklorys kūpu sasadzīduošona „Putineņi šmuki dzīd”, kuruos mierkis ir Zīmeļlatgolys lokaluos dzīduošonys, stuosteišonys, muziciešonys i doncuošonys tradiceju apgiušona i puormontuošona temā par putynim i putynu dzīsmem.

Sasadzīduošonā pīsadaleis ap 250 dalinīku nu vairuokim nūvodim. Rēzeknis nūvodu puorstuovēs Drycānu vydsškolys „Driceiši”, Gaigalovys pamatškolys „Purineņš”, Kaunatys vydsškolys „Rāznaviņa”, Līpu pamatškolys „Liepiņa”, Nautrānu vydsškolys „Rogovka”, Rykovys pamatškolys „Mozō Rykova”, Makašānu omotu vydsškolys „Kūkleite”, Kolnazaru katuoļu pamatškolys folklorys kūpa i Jaunstrūžānu pamatškolys folklorys kūpa. Nu Viļānu nūvoda sasadzīduošonā pīsadaleis Viļānu Kulturys noma folklorys kūpa „Biteitis”, nu Rēzeknis byus atbraukuši Rēzeknis Kulturys noma folklorys draugu kūpa „Vīteri”, bet Ludzys nūvodu puorstuovēs Ludzys muzykys pamatškolys folklorys kūpa, Nirzys pamatškolys „Spryguļi” i Ludzys piļsātys gimnazejis folklorys kūpa.

Bārnu i jaunīšu folklorys kūpu sasatikšonys reizē „Putineņi šmuki dzīd” kotram kolektivs ruodeis septeņu minotu garu programu, kurā ruodeis dzīduošonu i doncuošu par putynim i jūs dzīduošonu. Taipat vysi dzīduos ari vysi kūpā, īs rūtaļuos i sasadoncuos. Planavuots, ka nūtikšonā tiks atruodeiti 16 tradicionalī daņči i rūtaļdzigys, 30 dzīsmis, 8 teikys i puosokys, 5 muzykalī prīšknasumi. Koncerta suokys iz 12:00 i meili byus gaideiti vysi apsavārtu i pasaklauseit grybātuoji.

Taipat dīnys gaitā dalinīki dorbuosīs 6 radūšajuos darbneicuos, izbrauks iz Drycanu pogosta kulturviesturiskom vītom – Ontona Matvejāna apbedeišonys vītu, Drycanu bazneicu, kur sasatiks ar draudzis bazneickungu Māri Laurecki i O.Matvejāna dzeivisbīdri Annu Matvejāni, kai ari Kakarvīšu piļskolnā byus sasatikšona, dzīduošona, rūtalis i teiku stuosteišona kūpā ar Drycanu folklorys kūpys „Bolta vīšņa” dalinīkim.

Nūtikšonu organizej Zīmeļlatgolys nūvoda bārnu i jaunīšu folklorys kūpu koordinatore Rasma Igaune i Drycanu vydsškolys folklorys kūpys „Driceiši” vadeituoja Irēna Ivanova.

 

Karteņā – Rēzeknis KN folklorys draugu kūpa “Vīteri”

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]