IX dzīdūšūs kolektivu i „gvelžu” saīts „Auni kuojis, laksteigola!”

LaKuGa 20. Apreļs, 2012. gods Comments Off on IX dzīdūšūs kolektivu i „gvelžu” saīts „Auni kuojis, laksteigola!”
29. aprelī 14:00 Dagdys nūvoda Tautys noma deveitū reizi nūtiks dzīdūšūs kolektivi i „gvelžu” saīts „Auni kuojis, laksteigola!”

Golda dzīšmu džīduošonys svātkus var pīsadaleit i jaunīšu, i pīaugušūs ansambli, folklorys kūpys, lauku kapelys, dzīdūši dorba kolektivi, kai ari individuali izpiļdeituoji, kam ir sagataveits golda dzīšmu dzīduošonys svātkim atbylstūšs repertuars.

„Gvelžu” saītā var pīsadaleit gon individuali stuostnīki, gon stuostnīku grupys.

Saīta dalinīkim teik dūts aizdavums sagataveit treis golda dzīsmis (var tikt izmontuots folklorys kruotuvis materials) i divejis dzīsmis ar rezervi, kuruos tiks izmontuotys riņča dzīduojumā, i, piec dalinīku dūmom, napelneiti ir damierstys. Ka dzīsme nav pazeistama, saīta dalinīkim juosagatavej teksta i notu materials (piec vareibys) 15 – 20 eksemplarūs, kab dzīduošonā var īsasaisteit gon cyti dalinīki, gon atguojušī skateituoji.

„Gvelžim” juosagatavej vīns stuostoms gobols (leidz 15 minotu gars).

Saīta mierkis ir na viņ pateikami izklaidejūša laika pavadeišona, nu ari byut pavuicūšam i praktiski dereigam, sekmejūt pīredzis apsamaineisonu, jaunu tradiceju apgiušonu i īvīšonu dzeivē, kai ari paleidzēt dalinīkim sasapazeit, sasaprast i veicynuot nacionaluos kūpeibys apziņu.

Dasacejuma anketys i nūlykums atrūnoms Dagdys nūvoda sātys lopā.

Dasasaceišona da 2012. goda 23. apreļa.

Vaira dazynuošonai: Dagdys nūvoda folklorys centrā pa telefonu: 65652174

Komentari slāgti.