Izstuode “Latvejis fotografi atkluoj Latgolu” ari Aglyunā

LaKuGa 24. Apreļs, 2012. gods Comments Off on Izstuode “Latvejis fotografi atkluoj Latgolu” ari Aglyunā
LaKuGa jau viesteja, ka februara beiguos Preiļūs tyka atkluota fotokonkursa “Latvejis fotografi atkluoj Latgolu” dorbu izstuode.

Fotokonkursu „Latvejis fotografi atkluoj Latgolu” pārnejuo gods suokumā izsludynuoja Preiļu nūvoda dūme i Latgolys fotografu bīdreiba. Konkursā pīsadaleja 36 autori – nu Latgolys, Reigys, Lelvuordis, Modyunis i Krystapiļs nūvodim i c., kuri kūpumā īsnīdze 218 fotografejis. Dorbi tyka vārtāti 3 kategorejuos: Cylvāks, Doba, Nūtikšona. Žūrejis komisejā beja Pēteris Korsaks – foto viesturnīks, Janīna Kursīte-Pakule – Saeimys deputate, Latvejis Universitatis profesore, Rihards Pīks – politiks, bejušais kinorežisors i kino darbinīks, Vladislavs Paurs – gleznuotuojs, Rēzeknis Augstškolys asociātais profesors.

Niu konkursā īsnīgtī i gūdalguotī dorbi da 30. apreļam apsaverami Aglyunys Kulturys centrā dorba dīnuos nu 9:00 – 17:00.

 

 

Komentari slāgti.