Rēzekne aicynoj iz „Rasādu opluotu 2012”

LaKuGa 26. Apreļs, 2012. gods Comments Off on Rēzekne aicynoj iz „Rasādu opluotu 2012”
Rēzekne aicynoj iz „Rasādu opluotu 2012”
1. majā nu 10:00 Rēzeknis Kulturys i atpyutys parkā nūtiks „Rasādu opluots 2012” – kasgadejais godatiergs i vosorys sezonys atkluošona ar  tierguošonu, dzīduošonu i doncuošonu.

Godatiergu, kurymā ar vysaidim stuodim, amatnīceibys i daiļomota meistaru izstuoduojumim i lauku lobumim pīsadaleis stuodu audzātuoji i meistari nu Latgolys, tradicionali organizej Rēzeknis piļsātys kulturys noms. Interesenti, kas nav pagivušs dasasaceit tiergam, tū var padareit da 27. apreļam.

Godatierga apmaklātuojus ar sovim prīšknasumim prīcēs profesionalais pyušaminstrumentu orkestris „Rēzekne”, konkursa „Rēzeknis cuoļs” finalisti, dzigu kolektivs i kapela „Dziga”, dzigu kolektivs „Vadži”, bārnu dzigu kolektivs „Dziguči” i folklorys kūpa „Rūta”, folklorys draugu kūpa i kapela „Vīteri, senioru dzigu kolektivs „Zelta atvasara”, Latvejis šlageraptaujis finalisti – grupa „Ginc&Es” i c. kolektivi.

Īejis moksa godatiergā: Ls 0,50.

Vaira dazynuošonai: 29114165, 64625509

 

Komentari slāgti.