9. majā nu 12:00 leidz 15:00 Preiļu nūvoda muzejā byus Muokslys dīnu akceja „Mūdis ilustraceja”, bet 10. majā 14:00 Muokslys dīnu rodūšuos darbneicys „Īlyudz Polikarps Čerņavskis”. Polikarps Čerņavskis beja keramikis, Latgolys tautys muokslys tradiceju globuotuojs i atteisteituojs. Vaira par keramiki skaiti ITE.

Starptautiskuo festivala „Muokslys dīnys 2012” laikā 2. majā 15:00 Preiļu nūvoda Kulturys centra konferenču zalā (Preiļūs, Raiņa bulvarī 28, 2. stuovā) byus muokslineicys Elgys Paurys akvareļu izstuodis „Gaismēnas” atkluošona i sasatikšona ar pošu muokslineicu. Vakar, 27. aprelī muokslineica svinieja opolu jubileju. Elga Paura dzymuse bejušuo Jākubpiļs rajona Uobeļu dzeraunē, bet nu 1977. goda struodoj Rēzeknis Lītišķuos muokslys vydsškolā par gleznuošonys i zeimuošonys pasnīdzieju, bet nu 1998. goda ir Rēzeknis Muokslys koledžys Gleznuošonys katedrys vadeituoja, kai ari Latvejis Muokslys akademejis Latgolys filialis kompozicejis školuotuoja. Vaira par muokslineicu skaiti ITE.

Karteņa – kolažu nu Elgys Paurys dorbim.