„Laika zeimis” medaļuos izstuodē LKM

„Laika zeimis” medaļuos izstuodē LKM
Nu 2. da 12. maja Latgolys Kutlurviesturis muzejā (Atbreivuošonys alejā 102, Rēzeknē) apsaverama Latvejis Muokslys akademejis (LMA) Latgolys filialis studentu medaļu muokslys i tielnīceibys mozūs formu izstuode „Laika zeimis”. Izstuode klivuse kai tradiceja – pyrma daleibys Starptautiskajā medaļu i tielnīceibys mozūs formu digitalajā konkursā LMA Latgolys filialis studenti prezentej sovus dorbus itepat Rēzeknē.

Koč ari medaļu i tielnīceibys mozūs formu muoksla ir aktuala i profesionali zyna, kū nu itaidys izstuodis var gaideit, vys tik kasdīnys skateituojam vysu pyrma pruotā īt konservativuo medaļu izpratne – precizi opolys, ar nalelu cilni taiseitys. Izstuode ir aicynuojums – atejat i atrūnit cytaižys medalis!

Izstuodē apsaverami naīrostu formu i materialu risynuojumi medaļuos – metals, dzelzs, miseņš, akrils, styklys i c. materiali saplyust vīnuotā kompozicejā, paruodūt laika plyudumu, laika nūspīdumus, laika napuortraukteibu i tt.

Izstuodē tielnīceibys mozūs formu muokslys dorbus prezentej LMA Latgolys filialis studenti Zane Elerte, Marta Purviņa, Krista Kuzņecova, Māra Aleksandroviča, Eva Ziediņa, Milana Semeņuka, Kristīne Igovena, Līga Uzulnīce, Artis Adijāns, Valdis Linužs, Igors Krilovs, kai ari studentu puļceņam dasavīnoj ari jūs školuotuoja – tielneica Māra Kalniņa.

Piec izstuodis Latgolys Kulturviesturis muzejā, 15. majā suoksīs muokslys dorbu digitalais konkurss, kurā pīsadola jaunī muokslenīki nu vysa pasauļs, deļtuo muzejs aicynoj izmontuot īspieju i īsapazeit ar vītejūs muokslenīku dorbim. Vaira dazynuošonys par konkursu: http://www.fidem-medals.org/student%20projects.html

Zane Elerte „Laika zīmes” 2012, 95x98x85 mm, metals

Krista Kuzņecova „Ainava laikā” 2012, 25x83x55 mm, aluminejs

Kartenis – foto A.Bondarenko

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]