Vīns nu īvarojamuokim tūpūšim kulturys centrim Daugovpilī ir muokslenīka Marka Rotko vuordā nūsauktais muokslys centrs, kura atdareišona paradzāta 2013. godā. Marta Rotko zeimūls i muokslys centrs ir īspieja iznest Daugovpiļs i Latvejis vuordu pasauļs muokslys dzeivē. Taipat ministre beja ari Daugovpiļs (Dinaburgys) cītūksnī i Muola Muokslys centrā, kurymā kai reizi nūtyka pyrmais Starptautiskais muola muokslys festivals „Latgolys Muola Trauks”.

Gasteišonys laikā kulturys ministre nūsaviere Daugovpiļs teatra izruodi „Klepernīku pogosta zvaigsne” i sasatikšonys laikā ar Daugovpiļs teatra vaļdis prīšksādātuoju Oļegu Šapošnikovu i vaļdis lūcekli Ritu Strodi atbaļstieja vajadzeibu taiseit jaunus īstudiejumus latgaliski. Taipat tyka runuots par teatra kai profesionala i kvalitativa latvyskuos kulturys nesieja miseju vysā Latgolys regionā.

Itei beja trešuo reize, kod ministre gastej Latgolā – pyrma tuo Žaneta Jaunzeme-Grende beja apsavārtu Bolvu i Rēzekni.

Karteņā – Kulturys ministre i Daugovpiļs teatra kolektivs, foto nu Daugovpiļs teatra arhiva