Izsludynuots Pītera Jurceņa jubilejam veļteits jaunūs literatu konkurss

Izsludynuots Pītera Jurceņa jubilejam veļteits jaunūs literatu konkurss
Rēzeknis nūvoda Nautrānu pogosta puorvaļde sadarbeibā ar Latgalīšu volūdys, literaturys i kulturviestris školuotuoju asociaceju organizej konkursu par dzejnīka Pītera Jurceņa premejis daškieršonu jaunajim literatim.

Konkurss veļteits Pītera Jurceņa 80 godu jubilejam i tuo devize ir dzejnīka ailenis:
„Tys spāks, kas pošā rūdams, –
Tys lobim ļaudim dūdams.”

Konkursa mierki:
– gūdynuot nūvodnīka, dzejnīka, jaunuo literatu školuotuoja Pītera Jurceņa pīmini;
– apzynuot jaunūs talantus i rūsynuot grybu i izadreikstiešonu izasaceit;
– izkūpt spieju īraudzeit pasauļs kūpsakareibys i veiduot sovu redzīni.

Konkursā aicynuoti pīsadaleit vysa vacuma autori, kurī roksta dzeju, prozu ci dramaturgeju.

Konkursā tiks viertēti vēļ napublicāti dorbi prozā, dzejā ci dramaturgejā latvīšu ci latgalīšu volūduos. Dalinīkim juoīsnīdz na mozuok kai desmit dzejūli ci septenis A4 formata lopys prozā ci dramaturgejā.

Jaunūs literatu konkurss ir atkluots i dorbi juoīsyuta Nautrānu pogosta puorvaļdei pa e-postu livija.rogovka@inbox.lv da ituo goda 18. juņam (īskaitūt). Pi dorbim titullopā juonūruoda sovs vuords (literarais pseidonims), kontaktelepons i kontaktadress (elektroniskais i posta), dzimšonys gods, vuiceibu īstuode ci nūsadorbuošona. Diveju dīnu laikā piec dorbu sajimšonys, konkursanti sajims apstyprynuojumu par dorbu registraceju.

Dorbus viertēs komiseja, kas jims vārā gon originalitati, gon literaruos i dramaturgiskuos kvalitatis.

Konkursa apbolvuošona nūtiks 2012. goda 29. junī Nautrānu pogosta Rogovkā, kur veiksmeiguokūs dorbu autorim tiks daškiertys naudys bolvys: I vīta – 100 Ls, II vīta – 75 Ls, III vīta – 50Ls. Taipat vierteišonys komiseja ir tīseiga daškiert veicynuošonys bolvys i atzineibys.

Vaira dazynuošonys: Līvija Plavinska – 29468107, Veronika Dundure – 26481524

 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]