Latgalīšu saļmys i muzyka uorstnīceibā

Latgalīšu saļmys i muzyka uorstnīceibā
30. majā 18:00 iz kulturys piecpušdīni par temu „Muzyka, tuos estetika i uorstnīcyskuo nūzeime” aicynoj Reigys Stradeņa universitatis Psihomatiskuos Medicinys i Psihoterapejis klinika (Kapseļu īla 23, Reiga).

Itymā reizē viereiba tiks pīvārsta muzykai, kas rodusīs i dzīduota Latgolys nūvodā. Ar sovu pīredzi par latgalīšu katuoļu saļmu dzīduojumim, par tū, kai itūs dzīduojumus ītekmiejs jezuitu pīnasums i kai tūs ītekmiejuse tautys tradicionaluo latgaliskuo mentalitate, kurū raksturoj vitalitate i dzeivisprīca, stuosteis Jāzepa Vītola Latvejis Muzykys akademejis i Reigys Stradeņa universitatis profesors, Latgolys muzykys kulturys puorzynuotuojs, dr.phil. Mārtiņš Boiko.

Piecpušdīnē byus runuošona par muzykys estetiskū i uorstnīciskū nūzeimi, daleišonuos puordūmuos i jaunu atziņu giušona, kai ari diskusejis par tū, voi Latvejis augstuo muzykys kultura var byut vīns nu garantim myusu tautys potenciala realizacejai ari cytuos sferuos – ryupnīceibā , ekonomikā, finansēs.

Interesenti pīsadaleit piecpušdīnē aicynuoti īprīšk dasasaceit, da 29. maja syutūt dasacejumu iz e-postu info@psihosomatika.lv voi zvonūt 67625655.

Daleiba diskusejā ir bez moksys.

 

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]