30 godu jubileju nūsvietiejs Škilbanu etnografiskais ansamblis

30 godu jubileju nūsvietiejs Škilbanu etnografiskais ansamblis
19. maijā iz svineigu koncertu Vileks nūvoda Rekovys kulturys centrā sasapuļcieja Škilbanu etnografiskuo ansambļa draugi, atbaļsteituoji, saimis i tradicionaluo kulturys montuojuma interesenti.

Itymā dīnā Škilbanu etnografiskais ansamblis simboliski svieteja sovu 30 godu jubileju i cauri dzīsmem pasateica atbaļsteituojim, izguoja ansambļa viesturis stidzenis, kai ari prīcuojās par sveicienim i draugim.

Škilbanu etnografiskais ansamblis dybynuots 1980. goda rudinī i vysus darbeibys godus ness Latvejā i sābru vaļstīs latvīšu tradiceju viesti. Ansamblī iz itū šaļti dzīž 11 dzīduotuojis nu tyvejuos apleicīnis. Kai smejās pošys sīvys – ka nabyutu dzīduojušys, ni dzīsmis zynuotu, ni pasauļs apsavārtu, tik sātā sādātu – a tū paspēt var vysod.

Škilbanu etnografiskais ansamblis ir pīsadaliejs vysūs Latvejā bejušajūs folklorys festivalūs „Baltica” i ari itymā godā kūpā ar Upeitis etnografiskū ansambli ness Škilbanu pogosta vuordu festivalā.

Koncerts īsasuoce ar ansambļa himnu – Rozālijis Slišānis teiktū dzīsmi „Es apsieju lynu dryvu”, ar kurū pyrma daudzim godim ari aizasuokuse ansambļa darbeiba. Koncerta laikā tyka izdzīduotys 11 ansambļa repertuara dzīsmis – kotra ar eipašu veļtejumu kaidam etnografiskajam ansamblim itūs darbeibys godu laikā nūzeimeigam cylvākam, atbaļsteituojam.

Ansambli sveikt beja sabraukuši tyvuokī sābri – Upeitis etnografiskais ansamblis, Medņovys etnografiskais ansamblis kai ari Baļtinovys etnografiskais ansamblis. Dzīduotuojis sajieme ari atzineibys rokstus par tradicionaluos kulturys saglobuošonu nu Kulturizgleiteibys i namaterialuo montuojuma centra.

Sveicieji vielieja ansamblim vēļ ilgu dzīduošonys myužu i skaneigys dzīsmis!

Karteņuos – Škilbanu etnografiskuo ansambļa 30 godu jubileja koncerts, foto LaKuGa

.

 

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]