Sasateic ar Latgolys omotnīkim Breivdobys muzeja godatiergā

Sasateic ar Latgolys omotnīkim Breivdobys muzeja godatiergā
2. i 3. junī iz tradicionalū latvīšu tautys lītišķuos muokslys godatiergu aicynoj „Etnografiskais breivdobys muzejs” Reigā, iz kurū kai kotru godu sabrauc omotnīki nu vysom Latvejis molom.

Godatiergā plaši puorstuovāts byus ari Latgolys regions gon ar dažaidim omota darynuojumim, gon īrostū „gareigū boguoteibu” – latgalīšu gruomotom pīsadaleis ari bīdreiba „Latgolys Studentu centrs”. Ar gruomotu sarokstu var īsapazeit ITE.

Latgolys omotnīki i studejis, kas pīsadaleis godatiergā ir tautys lītišķuos muokslys studeja (TLMS) „Latgale” nu Daugovpiļs,  Rēzeknis nūvoda „Rēzeknis apriņķa pūdnīki”, „Andreja Paulāna TLMS”, kūkomotnīks Leons Aleksandrovs nu Bolvu pusis, Annele Slišāne ar sovim austim dorbim i vēļ daudzi cyti omotnīki nu Latgolys. Kai saceja muzeja puorstuovi – Latgola eipaši byus puorstuovāta ar nūvodam tik rakstureigū keramiku.

Paraleli tiergavuošonai, muzeja gostus gaida ari kulturys programa.

Godatierga dorba laiks kotru dīnu ir nu 10:00 – 17:00, īejis moksa: 1,00 Ls (školānim, pensionarim), 2,00 Ls (studentim), 3,00 Ls (pīaugušajim) i vysa saime muzejā vydā varēs īt par 5,00 lati.

.

Print Friendly, PDF & Email

Kalenders

Mar
28
Cat
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]
Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]