18. majā Vileks nūvoda dūme izdeve poša sovu suvenirmonetu, iz kuruos ir radzams piļsātys simbols „ezeits”, bet Latvejis banka vīna lata monetu ar eža biļdeiti laiduse apgrūzeibā 7. junī.

Vileks piļsātys suvenirmoneta papyldynuoja Latvejis Nacionaluo montuojuma suvenirmonetu kolekceju, kuruos mierkis ir paruodeit vītys, ļauds, nūtykšonys i kulturviesturis pīminekļus, ar kurim Latveja lepojās. Sovys suvenirmonetys bez Vileks ir vēļ 14 Latvejis vītom: Reigai, Rēzeknei, Aglyunai, Siguldai, Jākubpilej, Jiurmolai, Cēsim, Daugovpilij, Baldūnei, Jalgovai, Jalgovys nūvodam, Kandavai, Rēzeknei, Muolpilej, Skrundai i Vacumnīkim. Vaira par suvenirmonetom verīs http://www.mantojumsuzmonetas.lv/index.php/lv/latvijas-kolekcijas-montas/viaka

Latvejis bankys eipašūs vīnlatnīku tradicejai niu jau ir vīnpadsmyt godu. Kotru godu banka laiž apgrūzeibā divejis jaunys vīna lata monetys – vīnu iz Juoņadīnu, ūtru iz Zīmyssvātkim. Niu eža kuorta. Ezs ir Latvejis īdzeivuotuoju īmeiļuots lauku sātu i ari piļsātu pogolmu īmeitnīks i gosts, kam ir sova vīta latvīšu folklorā, literaturā i mitologejā. Ticejums viestej, ka vīna eža adateņa juonosoj vysur leidza īsprausta svuorkūs ci cymdā, tod vysod labi lūbsīs. Vaira dazynuošonai par eža monetu verīs: http://www.bank.lv/nauda/ezis