Guntra īrakstejuse dzīsmi par voskonū kruosu
Mārga ar tik skaneigū bolsu – Guntra Kuzmina – kūpā ar Sovvaļnīku (Ingaru Gusānu) radejuši jaunu dzīsmi, itūreiz latvīšu volūdā.
Dzīsmi sauc „Dzeltenā” i kai soka poša Guntra – „Voskonys pīninis, voskonys saulispučis i voskona saule. Voskonuo ir sylta kruosa. Voskonuo ir muna kruosa, deļtuo dzīžu par tū”.
Dzīsmis vuordu autors ir Uldis Stuģis, muzykys autors Ingars Gusāns, nu dzīsmis aranžeja ir Ingara i Guntrys kūpdorbs.
Leidza ar dzīsmi sataiseits ari video klips, kas tops studejā „13mm” i tuo režisors ir Ingus Amatnīks.
Īprīšk Guntra klauseituojus īprīcynuoja ar dzīsmi iz muotis dīnu „Muotes laime”.
Karteņa – stopkadrs nu video klipa
Komentari