Aglyunā attaiseita jauna amatnīku darbneica
5. julī Aglyunā durovys vēre jauna amatnīku darbneica, kurā saimnīkoj Selicku saime, kas niu pīduovoj īspieju vysim interesentim nu Aglyunys i gostim nu cytureinis paraudzeit sovu rūku dažaidūs rūkdorbūs – adeišonā, tamboriešonā, topuošonā i pierļuošonā, tai pastuosteja Aglyunys nūvoda Izjiemejdarbeibys atbolsta centra vadeituoja Ināra Gražule.
Darbneicā izstateita Olitys Selickys i juos meitys Viktorejis dorbu izstuode, tī pat sūpluok radzami Genadeja Selicka kūka darynuojumi. Selicku saime kotram dorbam daīt ar eipašu radūšumu, ryupeibu i gaumi. Olita i Genadejs Selicki ir amatnīki, kuri izmontoj kotru īspieju pīsadaleit tierdzeņūs gon Aglyunys nūvodā, gon sābru nūvodūs.
Aglyunys gostim ir īspieja pīsadaleit ari Olitys Selickys rūkdorbu meistarklasē, kas niu nūtiks jaunajā amatnīku darbneicā.
Darbneicys atkluošonā Selicku saimei iztureibys i veiksmis tuoļuoka biznesa atteisteibā vielieja Aglyunys nūvoda Izjiemiejdarbeibys atbolsta centra kolektivs, kolegi – amatnīki, Aglyunys maizis muzejs, sābri i draugi.
Karteņā – Selicku saime, publicitatis karteņa.
