25. augustā sovu 20 godu jubileju ar moto – Skaista muna tāva sāta – svieteis F. Trasuna muzejs „Kolnasāta”.

Muzejs sataiseits 1992. godā Sakstagola pogostā, kab saglobuotu i popularizētu gareidznīka, politiķa, kulturys i sabīdryskuo darbinīka Franča Trasuna, juo dzimtys i laika bīdru, kai ari nūvoda viesturiskū līceibu pīmiņu.

„Kolnasātā” interesentim ir īspieja īsapazeit ar Latgolys zemnīka sātys kulturvidi – dzeivojamū sātu, myura klāvu, pierti, klieti, uobeļduorzu, līpu aleju, muorkim, krystu i oku.

Muzejam ir ari sova folklorys kūpa, kas nas „Kolnasātys” vuordu.

25. augustā 13:00 muzeja jubileja svieteišonā byus dažaida veida nūtikšonys – gon svātbreids pi krysta, gon Rēzeknis nūvoda folklorys kūpa prīšknasumi, gon izstuožu sātys īsvieteišona, gon gordais sautiejums „Kolnasātys” gaumē. Taipat grybātuojim byus īspieja apsavērt izstuodis „Sakstagola pogosta viesture 430 godūs: cylvāki, nūtikšonys, pīmiņa”, „Latvju raksti” kai ari digitalū prezentaceju „F. Trasuna muzejam – 20”.

Karteņā – F. Trasuna muzejs “Kolnasāta”, publicitatis materiali