Daugovpiļs teatrī byus Šekspira „Sapyns vosorys naktī” latgaliski

Daugovpiļs teatrī byus Šekspira „Sapyns vosorys naktī” latgaliski
Pyrmū reizi pasauļa teatra viesturē Daugovpiļs teatrī byus nūsaveram slavanuo angļu dramaturga V. Šekspira romantiskuokuos komedejis „Sapyns vosorys naktī” interpretaceja latgaliski – „Vosorys saulgrīžu burveisteibys”.

Monikys Zeilis tulkuots i pīmāruots, Šekspira klasiskais lugys sižets i varūni teik puorcalti iz Latgolu ar tai rakstureigū skatejumu iz dzeivi, temperamentu i ījiukšonom. Jaunīstudejuma režisors Viktors Jansons atkluoja, ka izvadumā grib runuot par mīlesteibu, sadolūt tū pa daļom, kab kotru nu tuom apsavārtu pa sevim. Taipat izruodis režisors lugys sižetu skateituojim īceriejs padūt naparostā veidā, izruodis prīškplanā izvierzūt kusteibu i skonu.

Vīnu nu golvanojom lūmom izruodē spēlēs Latvejis skotivis humora meistars Juoņs Jarāns, kurīs eipaši aicynuots daleibai jaunīstudejumā i kuram tei byus debeja Daugovpiļs teatrī. Interesns fakts, ka sovu aktera karjeru, muokslenīks suoce ar lūmu taišni Šekspira lugā „Sapyns vosorys naktī”.

Izruodis pamatā ir stuosts par četrim meilātuojim, kurī dažaidu intrigu i puorpratumu rezultatā teik īrauti nabeidzamā karsmis vārputa, atkluojūt tū, cik mīlesteiba var byut okla i cik dažaidi te var ītekmēt kotru nu mums.

Izruodis pyrmizruode byus 5. oktobrī 18:30 Daugovpiļs teatra Lelajā zalā. “Vosorys saulgrīžu burvesteibys” byus trešuo latgaliskuo izruode Daugovpiļs teatra repertuarā.

Režisors: Viktors Jansons
Scenografi: Ivo Folkmanis, Nataļja Marinoha, Viktors Jansons
Horeografs: Jeļena Jekimova
Kostimu muokslineica: Nataļja Marinoha
Muzyka: Arturs Uškāns, Stanislavs Šimanskis

Lūmuos: Juoņs Jarāns, Ivars Brakovskis, Alda Krasteņa, Jurijs Losevs, Māris Korsiets, Māris Susejs, Karina Lučinina, Inese Ivulāne-Mežale, Ritvars Gailums, Egils Viļumovs, Kristīne Veinšteina, Maija Oļeņina i c.
Bileti nūpārkami Daugovpiļs teatra kasē (t.65426520), „Biļešu paradīzes” kasēs vysā Latvejā i škārsteiklā www.bilesuparadize.lv.

Informaceju sagatavieja Juoņs Krūtkrāmelis, Daugovpiļs teatris

Kartenis – teatra publicitatis materiali

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]