Starptautiskais pleners „Marks Rotko 2012”

Starptautiskais pleners „Marks Rotko 2012”
Daugovpilī nu 14. leidz 25. septembram nūtiks starptautiskais pleners „Marks Rotko 2012”, kurā pīsadaleis 15 muokslenīki nu deveņom pasauļa vaļstim.

Pleners Daugovpilī nūteik jau nu 2005.goda, tys ir diveju nedeļu dorbs, pīredzis apmaiņa, diskusejis, īspieja muokslinīkim atsapyust nu kasdīnys i veļteit laiku viņ rodūšajam procesam. Leluoka viereiba plenerā teik pīvārsta gleznīceibai, atkluojūt atškireigūs paaudžu i školu rūkrokstus, kai arī meistareibu i kompozicionalū virtuozitāti, tūmār laika gaitā ir īsasaistiejuši ari grafiki i tekstilmuokslinīki.

Vysus godus plenerā ir pīsadaliejuši na viņ vītejī latvīšu muokslinīki, bet ari cytu valstu puorstuovji. Itūgod tī byus Mario Estevess, Dilvins Smits, Fiona Stenberija (Lelbritaneja), Laila Karbajana, Minass Halajs (ASV), Džakopo Džinannešči (Itāleja), Lars Strands (Norvegeja), Heidi P (Dāneja), Anna Podlevska (Pūleja), Eva Aruta (Armeneja), Viktors Nikolajs, Aleksejs Litvins (Boltkrīveja). Latveju puorstuovēs gleznuotuoja Madara Gulbis, tekstilmuokslineica Ilze Volonte i gleznuotuojs, interjerists Oļegs Marinoha.

2013.godā Daugovpilī teik planavuots atkluot Daugovpiļs Marka Rotko muokslys centru, kurā paradzāts izstuodeit ari plenera laikā radeitūs dorbus.

Sovukuort 2010. i 2011.goda plenera dorbus var apsavērt Latgolys centralajā bibliotekā (nu 4.septembra leidz 1.oktobram) i Daugovpiļs teatrī (nu 31.augusta leidz 27.septembram).

Gleznuotuojs Marks Rotko (eistajā vuordā Markus Rotkovičs) dzims 1903.godā Daugovpilī. Jis beja vīns nu ASV pieckara gleznīceibys centralajuom figurom. Rotko teik skaiteits par abstraktuo impresionisma i kruosu laukumu gleznuošonys aizsuocieju. Sovys gleznys jis raksturuoja kai „sarežgeitys dūmys vīnkuorša izteiksme’’.

TV sižets par pārnuo goda pleneru

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]