Sporta zala atkluošonā pīsadaleja školys školāni i školuotuoji, pogosta ļauds, kai ari gosti nu tyvuokom i tuoļuokom vītom. Jaunū sporta zalu pasvieteja prīsters Māris Laureckis. Pīduovojam Silvejis Laizānis foto reportažu nu pasuokuma, kai ari Diena TV i Latgolys Regionaluos televizejis sižetus.

Sporta zala byuvnīceibu dareja pylnsabīdreiba „Latgales būve” nu 2010.goda 1.juņa da 2012. goda 30.apreļam. Maja suokumā 860 kvadratmetrus lelīs kuorms tyka nūdūts ekspluatacejā. Projekta kūpejuo summa Ls 494 093, nu kurys 90% finansieja Eiropys Lauksaimnīceibys fonds lauku atteisteibai (ELFLA), 10% Rēzeknis nūvoda pašvaldeiba i Rēzeknis nūvoda pašvaļdeibys Drycanu pogosta puorvaļde.

Projekta mierks beja izbyuvēt jaunu myusdīneigu sporta zalu Drycanu pogostā, paaugstynūt Drycanu vydsškolys daviļceibu i veicynuot fiziskū aktivitašu i sporta kuļturys atteisteibu nūvodā. Sporta zalu pogosta i tyvejuos apleicīnis ļauds varēs izmontuot bez moksys.

Diena TV. Aija Eriņa i Guntis Lēmanis: Latgolys roksti

Latgolys Regionaluos televizejis sižets