Ari itūgod pīminēs keramiki Odumu Kuopusteņu

Ari itūgod pīminēs keramiki Odumu Kuopusteņu
22. septembrī Rēzeknis nūvoda Pušā jau pīktū godu atguoduos par keramikys vacmeistaru Odumu Kuopusteņu.

Pīminis dīna suoksīs 10 stuņdēs nu reita ar muokslenīkam veļteitu Sv. Mišu Pušys Vyssvātuos Treisvīneibys bazneicā, nu divuos stuņdēs piec pušdīņu byus Puncuļu saimis koncerts Mežmaļu sātā „Dītlovūs”. Pasuokumu ar sovim dorbim aicynuoti kuplynuot ari keramiki, pūdnīki i cyti muokslenīki.

Odums Kuopusteņš dzims 1905. goda 1. novembrī Rēzeknis apriņča Ondrupinis pogosta Pušys dzeraunis Locu sādžā. Omotu īsavuiciejs jauneibā nu tāva Stanislava. Izstuodēs pīsadalejs nu 1959. goda, bejs tautys daiļomota meistars i A. Paulāna medalis laureats (1981. godā). Odums beja vysu spylgtuokais Vydslatgolys pūdnīceibys centra Pušys pudura puorstuovs. Sovūs dorbūs saglobuojs paaudzēs kūptuos lobuokuos pūdnīceibys tradicejis. Myužeibā nūguojs 1987. goda 7. februarī.

Karteņuos – Oduma Kuopusteņa pīminis pasuokums Pušā 2011. godā. Kartenis nu Rēzeknis nūvoda sātys lopys

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]