Folklorys kūpa „Saime” svieteis pīcu godu jubileju

Folklorys kūpa „Saime” svieteis pīcu godu jubileju
22. septembrī 19:00 Bolvu nūvoda Vectiļžys pogosta sporta i atpyutys centrā nūtiks folklorys kūpys „Saime” pīktuo jubileja koncerts.

Vectiļžys folklorys kūpa „Saime” dybynuota 2007. goda 16. septembrī, kod kūpā tyka aicynuotys vītejuos sīvys, kurys rodu i draugu gūdūs beja paruodejušys dzīduotprasmi. Folklorys kūpys nūsaukums „Saime” rodīs deļ tuo, ka vysus dalinīkus saista rodu roksti. Kūpai rakstureigi dzīduot dažaidys vītejuos i sova kulturviesturiskuo nūvoda latgalīšu tautysdzīsmis Zīmeļlatgolys izlūksnē.

Svātku pasuokumā pīsadaleis ari folklorys kūpys draugi – kolektivi, ar kurim nūteik aktiva sadarbieba – Tiļžys folklorys ansamblis, Bierzpiļs folklorys kūpa „Saivenis” i Benislavys etnografiskais ansamblis, kai ari Vactiļžys dramatiskais kolektivs i Bolvu Kulturys i atpyutys centra kolektivs.

Karteņā – folklorys kūpa “Saime”, publicitatis foto

 

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]