Iz latgalīšu rokstu volūdys nūdarbeibu vēļ ir breivys vītys!

LaKuGa 20. Novembris, 2012. gods 1
Jau ziņuojom, ka bīdreiba „Latgolys Studentu centrs” reikoj latgalīšu rokstu volūdys nūdarbeibu, iz kurū aicynoj vysus raksteitgrybātuojus. LgSC viestej, ka iz nūdarbeibu vēļ ir breivys vītys i drupeit pasamainejs nūdarbeibys laiks – tei byus ituo gods 4. decembrī.

Nūdarbeiba paradzāta cylvākim bez īprīkšejūs zynuošonu latgalīšu volūdys pareizraksteibā, bet latgaliski runojūšim. Dalinīki tiks īpazeistynuoti ar myusdīnu latgalīšu volūdys ortografeju i varēs izkūpt praktiskuos raksteit prasmis.

Nūdarbeiba byus bez moksys, suokums 18:30, par vītu dalinīkim tiks paziņuots personiski.

Vītu skaits ir īrūbežuots, i interesentim ir juopīsasoka īprīkš, rokstūt e-postu iz vineta@lgsc.lv leidz 30. novembrim, lyugums nūruodeit ari sovu telefona numeri.

Vaira informacejis
vineta@lgsc.lv
T. 26149207

Komentari slāgti.