Dzīsmis muzykys autors ir grupys dalinīks Gints Ločmelis, nu dzīsmis teksta i reizē ari jaunuos kinys „Vīna vosora deļ vysu” scenareja autore – Ineta Atpile-Jugane.

Kasdīnys skriejīnā īrosts ir tai, ka gondreiž navā laika nikam, i tai mes skrīnam garom vīns ūtram, sovom i cytu prīcom i bādom. I šaļtī, kod drupeit pīstuoj kaidā nu mozejom pīturom, kab dabuotu elpys voi padūmuotu – nikas naapstastuoj, nazkas tevī nūteik vysu laiku. I tī var byut vaicuojumi sev – kai maņ byut itymā laikā, itymā vītā, itymūs ļaudīs. Golvonuo atbiļde kotram juoatrūn tī pat sevī, sovā volūdā – runuotā voi sevī sajustā, atrostā voi dzili paglobuotā, sevkurā gadīnī dzeiveigā i syltā – tai par dzīsmi soka tuos teksta autore Ineta.

Gints Ločmelis, muzykys autors i izpiļdeituojs atzeist, ka dzīsme ir par lītom, kurys ir myusim apleik – vīta, kurā mes dzievojam, volūda, kaidā mes runojam i myusu dorbi, kas padora myus stypruokus. Dzīsme ar vaicuojumim, kurus vaicojūt, atbiļde ir dzīsmis atslāgā!