Šova „Dzīdūšuos saimis” finalā divejis saimis nu Latgolys

Šova „Dzīdūšuos saimis” finalā divejis saimis nu Latgolys

Itymā svātdinē 9. decembrī 21:05 LNT ēterā byus šova „Dzīdūšuos saimis” finals, kurymā nūskaidruos šova 4. sezonys uzvarātuojus.

Šova finalā īklivušys treis saimis, nu kurom divejis ir nu Latgolys – Pavlovsku saime nu Rēzeknis nūvoda Verēmim i Tihovsku saime nu Ludzys. Ityma šova sezonā Latgolys regiona saimis beja boguoteigi puorstuovātys, nu da finalam vysys, dīvamžāļ, natyka.

Tihovsku saimi šovā puorstuov mam Dace, dāls Dagnis i meita Laima. Saime dzīd folklorys kūpā „Ilža”, kai ari kūpā ir pīsadalejuši dažaidūs pasuocīņūs. Dzīdūšūs saimu šovā Tihovski pīsateice, kab popularizātu Latgolys kulturu, tradicejis i dabuotu pīredzi, kas vajadzeiga augstškolys studejom.

Pavlovsku saimi šovā puorstuov mama Solvita i meitys Zane i Zaiga.

Vielejam veiksmis šova finalā i aicynojam just leidza i ituos saimis podturēt!

Atguodynuosim, ka ari īprīškejuos šova sezonuos latgalīšu saimis ir cīši veiksmeigi sevi pīruodejušys – finalā tykušys Ereņu saime nu Drycanim, Uškānu saimis ansamblis nu Daugovpiļs, nu par trešuos sezonys uzvarātuojim kliva Puncuļu saime nu Rēzeknis.

Tihovsku saime – Olūteņam

Tihovsku saime – Nadūd, Dīvs, šudiņ leita; Skaista muižeņa

Pavlovsku saime – Mēs tavi bērni (Latgolys Televizejis Muzykys festivala himna)

Pavlovsku saime – Rudzu molu es nūguoju; Krakovjaks

Karteņā – Pavlovsku saime, šova publicitatis materiali

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]