Vokaluo studeja „Skonai” aicynoj atsasaukt dzīduot grybātuojus

LaKuGa 5. Janvars, 2013. gods Comments Off on Vokaluo studeja „Skonai” aicynoj atsasaukt dzīduot grybātuojus

Jaunizveiduotuo Rēzeknis nūvoda vokaluo studeja „Skonai” aicynoj atsasaukt dzīdūšus i muzykalus bārnus i jaunīšus, lai apsavīnuotu skaneigā ansamblī!

Jaunajam muzykalajam kolektivam paradzāti dažaidi koncerti i muzykali projekti, vokaluos i deju meistarklasis, sasadzīduošona ar Latvejis muzikim, sadarbeiba ar cytim muzykalajim kolektivim, dzīšmu i deju vokori, kai ari dzīduošona gon individuali, gon duetūs.
Aicynojam iz nūsaklauseišonu 14. janvarī 15.00 stuņdēs Rēzeknis nūvoda pošvaļdeibys aktu zalā, pagiunūt leidza kaidu nu sovom meiluokajom dzīsmem. Dzīdūšajā pulkā aicynoj „Skonai” muokslinīciskuo vadeituoja i vokaluo pedagoge Guntra Kuzmina i deju pasnīdziejs Edgars Jukna.

Vairuok informacejis: tel. 28617836 (Guntra), e-posts: skonai@inbox.lv.

Ziņu sagataveja: LaKuGa

Komentari slāgti.