Daugovpiļs teatris ar izruodi „Rūžys byudu golūs” gasteis Valmīrā

Daugovpiļs teatris ar izruodi „Rūžys byudu golūs” gasteis Valmīrā

Daugovpiļs teatris ar monoizruodi latgalīšu volūdā „Rūžys byudu golūs” 10. janvarī gasteis Valmīrys dramys teatrī 18.30 stuņdēs.

Monoizruode „Rūžys byudu golūs” ir Monikys Zeilis saraksteits stuosts par pīmīleigu latgalīšu kuņdzi lobuokajūs godūs, kura, pīkūpdama sātu i gataveidama pušdīnis, izstuosta vysu sovu dzeivi, savejūt tū ar sovys tautys liktini, kulturu, volūdu i tradicejom. Izruodis laikā tuos golvonuo varūne gatavej sova dzymtuo nūvoda tradicionalūs iedīņus, kurus kotrs varēs nūbaudeit piec izruodis. Izruode ir puorpiļdeita ar Latgolai rakstureigū humoru i vīglumu, i, pat ka skateituojs napuorvolda volūdu, izruodē nūteikūšais ir vīgli saprūtams i uztverams.
Izruodis režisori Pīters Krilovs i Anita Sproģe. Golvonajā lūmā – Maija Korkliša.

 

Video LRT sižets par izruodi

Foto: LaKuGys arhivs

Ziņu sagataveja: LaKuGa

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]