Nominaceju kategorejā „Lobuokais Pop/Rock albums” sajēme grupa „Dabasu Durovys” par albumu „Styklu vītā skaņa” sūpluok taidim muzikim kai „Prāta Vētra”, „Astro’n’out” i Aija Andrejeva, kas ir pyrmuo reize, kod itymā kategorejā nomināts kaids latgalīšu muzikis. Kategorejā „Lobuokais džeza muzykys albums” nomināts dzīduotuojis Birutys Ūzulenis etno-džeza projekts „Patina” ar albumu „Caur sidraba birzi…”. Kategorejā „Lobuokais šlagermuzykys albums” nomināta grupa „Patrioti.lg” par albumu „Latgaleite”. Kategorejā „Lobuokais tautys muzykys albums” pamats prīcuotīs par divejim albumim – kapelys „Dziga” „Gotovs” i par „Trio Šmite Kārkle Cinkuss” albumu „Gaviles”.

Īprīšk tyka ziņuots, ka itūgod viertiešonai īsnāgts rekordlels īrokstu skaits – gondreiž 90 albumi, nu kūpejais albumu, dzīšmu i videoklipu skaits puorsnīdz divejus symtus. Itūreiz tyka maineita ari viertiešonys kuorteiba – ka īprīšk īrokstus īsnīdze iz konkretom kategorejom, tod itūgod īrokstus pa kategorejom sadalieja žurejis puorstuovi.

Lobuokī goda īroksti tiks nūskaidruoti 26. februarī Latvejis Nacionalajā teatrī. Ceremonejā pīsadaleis aktualuokī goda muokslinīki, sabīdreibā pazeistami ļauds i eipašī gosti. Kai īrosts, ceremoneju ruodeis TV3 i tīšraidē tū byus vareiba viertīs ari Izklaidis kanalā 2.

Sagataveja: LaKuGa