Viļānūs nūtiks ziņģātuoju i stuostnīku vokors

LaKuGa 17. Janvars, 2013. gods Comments Off on Viļānūs nūtiks ziņģātuoju i stuostnīku vokors
Viļānūs nūtiks ziņģātuoju i stuostnīku vokors

Viļānu kulturys nomā 9. febralī 15 stuņdēs XI reizi nūtiks „Ziņģātuoju i stuostnīku vokors”, kas jau ir palics par tradicionalu pasuokumu, kurā puļcejās ap 200 dalinīku. Pasuokuma mierkis ir popularizēt myusu dīnu folkloru kai sabīdreibys kulturys sastuovdaļu, veicynuot tautys tradiceju saglobuošonu i puormontuojameibys procesu, kai ari nūdrūšynuot izgleituošonys i pīredzis apmainis procesu storp ziņģātuojim i stuostnīkim.

Pasuokumā pīsadaleit teik aicynuoti individualī izpiļdeituoji, saimu ansambli, vokalī ansambli, folklorys kūpys, kapelys, tautys myzykys ansambli, nacionalūs bīdreibu kolektivi i cyti interesenti. Ziņgis izpiļdeit dreikst tikai akustiskūs instrumentu pavadejumā. Stuosteit teik aicynuoti vysi interesenti nu 16 godu vacuma.

Itūgod pasuokuma tema ir „Saimis gūdi”, par tū ziņģātuojim juoizpylda gūdūs dzīdamuos dzīsmis, bet stuostnīkim – kaidu nu sovim interesantuokajim stuostim, kas rysynuojušīs gūdu laikā. Nadreikst stuosteit autoru literarūs dorbus.

Daleibu pasuokumā var pīsaceit, aizpyldūt anketu i atsyutūt tū leidz 20. janvaram iz e-postu vilanu_kn@inbox.lv ci iz adresi – Kultūras laukums 2, Viļāni, Viļānu novads, LV–4650.Vairuok informacejis: Iveta Dukaļska, tel. 29167594; Margarita Cakula, tel. 64662250, 28662346.

Projektu finansiali atbolsta Vaļsts kulturkapitala fonds, Viļānu nūvoda dūme, Viļānu kulturys noms, Tautys muzykantu bīdreiba, www.muzykanti.lv i cyti.

Pasuokuma nūrise 9. febralī Viļānu kulturys nomā:

15:00–18:00 ziņgiešona i stuosteišona
18:30–19:00 sumynuošona i bolvys
Nu 19: 30 – daņči

Pīteikuma anketa ziņģātuoju i stuostnīku vokoram by

Karteņa: foto Guntis Pakalns, Ziņģātuoju i stuostnīku vokors 2012
Ziņu sagataveja: LaKuGa

Komentari slāgti.