Atkluos Igora Pliča foto izstuodi „Latgales ainava”

Atkluos Igora Pliča foto izstuodi „Latgales ainava”

Reit Tiļžys Kulturviesturis izpietis i turisma centrā 12 stuņdēs tiks atkluota fotografa Igora Pliča personalizstuode „Latgales ainava”. Izstuodis atkluošonā pīsadaleis ari pats fotografeju autors.

Igors Pličs ir dzims 1954. goda 8. novembrī Reigā, vuicejīs Vactiļžys školā, 34. Reigys PTS Foto nūdaļā, Moskovys padūmis vuordā nūsauktajā politehnikumā, Foto tehnologejis nūdaļā, Foto meistareibys fakultatē VEF Kulturys i tehnikys pilī. Nu 1981. goda Igors Pličs struodoj i dzeivoj Preiļūs. Fotografs jau daudzus godus pīsadola izstuodēs gon Latvejā, gon uorzemēs, juo fotografejis ir izmontuotys postkartem, bukletim, ceļvežim i prezentacejis izdavumim, kalendarim. Taipat Igora fotografejis izmontuotys vairuokuos monografejuos, pīmāram, „Ai, māte Latgale”, „Latgales kultūras vēsture”, „Preiļu novads”. 2008. godā tyka izdūts Preiļu piļsātys 80 godu jubilejai veļteits fotoalbums „Acis redz, sirds deg…” ar Igora Pliča fotografejom. Pošlaik Igors ir Latgolys Fotografu bīdreibys vadeituojs.

 

Ziņu sagataveja: LaKuGa

Print Friendly, PDF & Email

Komentari

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]