Rītumu Bankys galerejā apsaverama Zvejsaļnīka gleznu izstuode „Reiz ziedošā dārzā…”

LaKuGa 22. Janvars, 2013. gods Comments Off on Rītumu Bankys galerejā apsaverama Zvejsaļnīka gleznu izstuode „Reiz ziedošā dārzā…”
Rītumu Bankys galerejā apsaverama Zvejsaļnīka gleznu izstuode „Reiz ziedošā dārzā…”

Rītumu Bankys muokslys galerejā atkluota Osvalda Zvejsaļnīka izstuode, kurā apsaverami dorbi, kas radeiti plenerūs Latvejā, Lītovā, Spanejā i cytuos vaļstīs.

Osvalds Zvejsaļnīks dzims 1944. godā Varakļuonūs, absolviejs Latvejis Muokslys akademeju, nu 1976. goda ir Latvejis Muokslinīku savīneibys bīdrs. Latgolu muokslinīks uzskota par vīnu gleznainuokajim regionim Baltejā. Osvalds Zvejsaļnīks ir skaitoms par Latgolys muokslys školys puorlīcynūšuokū līderi, jis pastuoveigi dzeivoj i struodoj Rēzeknē, ir Latvejis Muokslys akademejis vītejuos filialis vadeituojs i Muokslys i dizaina vidsškolys direktors.

Osvaldam Zvejsaļnīkam ir rakstureigys spilgtys, suleigys, pīseitynuotys kruosys i sižeti, kurus īdvasmuojusi dzeive. Daudzūs dorbūs teik ruodeitys Latgolys piļsātu i dobys ainovys.

Izstuode apsaverama Rītumu Bankys muokslys galerejā (Reigā, Vesetas īlā 7) leidz 20. februaram dorba dīnuos nu 9:00 leidz 17:00, īeja bez moksys.

Īskotam daži mirkli nu izstuodis atkluošonys 17. janvarī

Kartenis: Rītumu Bankys arhivs
Ziņu sagataveja: LaKuGa

Komentari slāgti.