Izsludynuots foto konkurss „Preiļi un preilieši gadalaiku ritumā”

LaKuGa 23. Janvars, 2013. gods Comments Off on Izsludynuots foto konkurss „Preiļi un preilieši gadalaiku ritumā”
Izsludynuots foto konkurss „Preiļi un preilieši gadalaiku ritumā”

Turpynojūt fotografiešonys tradicejis Preiļu pusē, Preiļu Foto centrs, Preiļu Golvonuo biblioteka i Latgolys Fotografu bīdreiba organizej fotokonkursu „Preiļi un preilieši gadalaiku ritumā”.

Konkursā pīsadaleit var sevkurs interesents, naatkareigi nu vacuma, nūsadorbuošonys i profesionalajom fotografiešonys īmaņom. Konkursa mierkis ir popularizēt fotografeju kai dokumentalu leidzeikli īdzeivuotuoju vydā, caur fotografeju atkluot byutiskuokū Preiļu piļsātys i Preiļu nūvoda sejā i kasdīnys dzeivē, kuplynuot piļsātys i nūvoda kulturys dzeivi ar jaunom izstuodem.

Konkurss nūtiks četrūs pūsmūs:

  • Zīmys kartenis juoīzsnādz leidz 30. martam;
  • Pavasara kartenis juoīzsnādz leidz 30. juņam;
  • Vosorys kartenis juoīzsnādz leidz 30. septembram;
  • Rudiņa kartenis juoizsnādz leidz 30. decembram.

Dorbus var īsnīgt personiski ci syutūt pa postu iz Foto centru, Raiņa bulvarī 9, Preiļūs, LV 5301.
Golvonī konkursa uzvarātuoji sajims vierteigys bolvys, kai ari vysi dalinīki sajims Atzineibys rokstus.
Plašuoka informaceja par konkursu nūlykumā.

Karteņa: LaKuGys arhivs
Ziņu sagataveja: LaKuGa

Komentari slāgti.