Ludzys nūvoda pošvaļdeiba izsludynoj Mozūs kulturys projektu konkursu

LaKuGa 30. Janvars, 2013. gods Comments Off on Ludzys nūvoda pošvaļdeiba izsludynoj Mozūs kulturys projektu konkursu
Ludzys nūvoda pošvaļdeiba izsludynoj Mozūs kulturys projektu konkursu

Ludzys nūvoda pošvaļdeiba ir izsludynuojuse Mozūs kulturys projektu konkursu, kurā pīsadaleit aicynoj Ludzys nūvoda pošvaļdeibys kulturys, kulturizgleiteibys īstuodis i bīdreibys. Projektu konkursa mierkis ir nūsaceit Ludzys nūvodam pīmāruotokūs i atbylstūšuokūs kulturys projektus, kas veicynuotu kulturvidis atteisteibu nūvodā, rūsynuot kulturys nūrišu daudzveideibu i kvalitati, veicynuot kulturys vierteibu izplateišonu, tūs pīejameibu plošai sabīdreibai.

Kotrs pretendets dreikst īsnīgt vīnu projekta pīsacejumu, kura realizaceja paradzāta Ludzys nūvodā i kura rezultati ir sabīdriski nūzeimeigs īgivums nūvodam. Projektu realizacejis laiks ir nu ituo goda 1. marta da 30. novembram.

Projekta eistynuošonai napīcīšamū finansiejumu Ludzys pošvaļdeiba pīšķiers 100% apmārā. Īsnīgtūs projektu kūpejais budžeta apjūms navar byus mozuoks par 100 Ls i leluoks par 300 Ls. Kūpejais programmai pīšķiertais finansiejums ir 2000 Ls.

Projektu pīteikumi juoīsnādz leidz 18. februaram Ludzys nūvoda pošvaļdeibys Izgleiteibys, kulturys i sporta puorvaļdē personeigi ci juosyuta pa postu.

Ar konkursa nūlykumu var īsapazeit tuoļuok:

 

Ziņu sagataveja: LaKuGa

Komentari slāgti.